US F-35 Rual Hna Nih ISIS Hna Umnak Tikulh Vawlei Cu, Parh Dih Lakin Bomb An Thlak Cang Hna .

Nithai zing khua dei hlan ah khan Iraq ram chung i, tikulh vawlei pakhat ISIS hna an tlik tawnnak le an bihruk tawnnak tiah an chim mi cu, Operation inherent Resolve i a tel mi hna ram 81 hna nih cun,US lam hruainakin F-35 fifth generation le F-15 in bomb an thlak hna i, bomb zong hi kg-36,000 reng lo an thalk hna tiin US CENTCOM nih cun a chim ti si.

Bomb an va thlaknak tikulh vawlei hi Qanus Island ,Salah al- Din Province ,Iraq ram chung ah a si i, “ISIS hna tlik tawnnak le an um tawnnak hmun ” ( ISIS infested )a si tiin an chim mi cu a si. Hi bantukin lamhruainak hi, Coaltion and Iraqi Counter Terrorism service tiah an ti mia si i, Qanus Island hi Z pungsan bantukin a um mi a si ti si.

Nizan ah makmour hmun i Kurdish miphun ralkap ,Kurdish Peshmerga hna nih ISIS ralhrang hna cu minung 10 reng lo an thah fawn hna tiah theoh a si fawn. ISIS hna minung 40,000 hna kha ,an thong a dai ko cang tiah kan ruah lio ah hin, khawika le kawika hmun poh ah hin, a hrang tawk cu an um rih ko tiah theih a si fawn.

Hi bomb an thlaknak ruangah hin, a thi mi le a hliam mi hna cu,puan zar an si rih lo i, zeizat dah an thi i, zeizat dah hliam hma a pu mi an si ti zong theihkhawh an si rih lo tiah an chim mi cu a si . A hmun i mit in a hmu mi hna nih an chim mi ah cun, bomb an thlak mi hi atamtuk i, a thi mi le a hliam mi zong hi tam dawh an siko tiah an chim.ISIS hna hi US President Trump nih President a ttuan hnu cun an thong hi a daituk ko cang tiah an chim fawn .

Source : Internationalnews & Politic

Be the first to comment

Leave a Reply

Your email address will not be published.


*