Nu Pakhat Cu Pasal A Ngeih Hlan Ah Mipa Dang A Kawp Hna I, A Fa Pawi Mi Cu,A Thah Duh Lo Ruangah Velh A Tawng .

Malaysia ram i nu pakhat kum 18 nu cu a pasal ding he ani ngeih hlan ah,mipa dang pakhat he hmun dangah an rak um tti i, a tu-ah hin fa a pawi i, a fa pawi mi zong hi thla 5 a tling cang tiah an chim mi cu a si. Hi thil hi malaysia ram Setapak College pongah a si i, september ni 2 khua dei hlan i thil a cang mi kha a si tiah theih a si.

Thil a si ning a theih tu hna nih an chimnakah cun, Hi nu fa a pawi mi,a tlangval nih hin,nupi caah a ngei duh lo i, a fapawi mi hi tlakter dingin a chimh nain, a nungak nu nih cun mawh phurhnak cu keimah cungah a um mi a si tiah a ti i, nau te cu thah a tim lo tiah an chim mi cu a si.

Cu ti cun mipa a hawi le pahnih nih cun nungak nu cu Setapak College hnu leiah kal dingin an chimh i,a kal i hika hmun an phantikah cun, cu mipa hna nih cun ,fungin an rak vuak i, nungak nu nih cun a fapawi mi cu a chiat lonak dingah a veng i, a hmai le a taksa dang hna zong cu, a hliam dih tiah an chim .

Hi nu ngak nu nih hin fa a pawi tiah a theih tikah cun,mipa cu a chimh i, mawh Phurhnak cu kala lai lo tiin a tlangvalpa cu a rak chimh cang tiah theih a si. Hi bantuk hawlhka a chim ruangah hin, a thin hung i a hawi le he an velhnak cu a si tiin an chim.

A tu-ah cun an dihlak in , Police nih an tlaih dih cang hna i, phung Article 342 -nak in taza an cuai hna i case an serpiak cang hna tiah theih an si cang.

 

Ref : WOB

Be the first to comment

Leave a Reply

Your email address will not be published.


*