North Korea Nih Cun Nuclear Hriamnam Hrawk Dih I,US He I Biak A Duh Cang .

North Korea nih cun Nuclear hriamnam hrawk dih i , United State he i biak a duh cang tiin North Korea Vice foreign Minister nih cun a chim cang ti si. Minister Choe Son-hui nih hin, i theih thiamnak he biak an duh ko tiah a chim mi cu a si. US Secy of State Mike Pompeo nih North Korea he hin i biak tthannak kan ngei lai tiah a zumhnak a rak chim hnu in Pi, Choe Son-hui nih hin a chim hi a si tiah theih a si.

Nizan zongah khan North Korea nih hin, Missile an kah tthan i, Hi missile an kah hnu tlawm palah cun, Pi Choe Son-hui nih cun a tuibantukin a chim mi hi a si ti si. Nikum ah khan US President Trump le Kim Jong-Un hna nih cun nuclear hrawh dih hi a rem an rak ti cang i, sihmanhsehlaw a rem an tinak bantuk cun peh zulh a um lem lo . February thla ah khan Hanoi khuapi ah an rak i bia cang i, sihmanhsehlaw zei hmanh a umzia a um kho lo ti si.

Minister Pi, Choe Son Hui nih cun ,nizan cacawn nikhat niah khan ,a tu thla dih lei hrawngah i biak nak ngeih khawh siseh law tiin an duhnak bia cu a chim cang ti si i, Washington cu rilru thin lung thar he, i biaknak leiah kal cang dingin a sawm ti si. Reuters lei nih an lanhter ningah cun, Pi Choe Son-hui nih cun US nih rilru le thinlung thlak i , ram pahnih ca i lungtlinnak le pawm tlak a si mi cu rakkengdingin a zumh ko tiah an chim mi cu a si.

Ani biiaknak a hnu bikah khan a phunphun in, North Korea hremnak nih a zulh i, June thla chungah khan Trump le Kim hna hi ani chawn i, ani biak rannak hnga ding zong an chim ti si i, a tu tiangah cun ani bia rih lo tiin an chim mi cu a si fawn . Nizan cacawn nikhat niah khan , Trump nih cun White House ah bia a chim i, president kim he hin i pehtlaihnak ttha tuk mi kan ngei tiah a chim i, Pu Trump nih hin cun a ttha lei long tein a chim i, rak zoh rih ko tua hna u sih.

Source : Internationalnews & Politic

Be the first to comment

Leave a Reply

Your email address will not be published.


*