Married For 25 Years ,Bill And Melinda Still Wash Dishes Together Every Night .

Kum 1987 lio in, a rak i duh mi hna nupa hna nih cun, a ni duhnak a cuaikho lo mi ,le hmai lei an kalnak dingzongah nun phung pangai in an nun khawhnak dingah tiin ni fatin in, minute 15 chung coka leiah an nupa in rawl einak thleng te hna an ttawl tti tawn.

Hi bantukin an umtu ning vun zohtikah cun, umpitu minung rawihnak lei cu alang lem lo tinak a si. cu lengah an fa le hna zong nih chungkhar rian ttuannak leiah felfai tein, an ttuan ve tawn ti si. vawlei cung i a rumbik a si mi nih hi bantkin, an um tikah kan nih Haka hrawng kan mi rum hna he hin cun, tah chun ding a ttha lo mi a si.

Vawlei cung i mirumbik dir hmun i a dir mi nih ,rawleinak thleng te hna mahtein,a ttawl mi hna chungkhar nunning vun ruah tikah hin,kan ram lei mirum hna nih,umpitu minung an rawih hna i, a herh mi pohpoh an tuahter tik hna ah hin, anmah ttuanding a um tilo i, nupa i kawmhnak caan zong a tawituk cang .

Hi bantukin kan um caah,chungkhar nunning le khuasak ningah a kan thlau tuktawn i,nu le pa karlak zongah i rem lonak le i huatnak,i siknak, in a dawnghnak ah cun, i tthennak tiangin a um tawn mi asinak a si tawn . Bill Gate te nupa nun bantuk nun hi, kan ram nih a herh tuk mi cu a si. zei bantuk harnak hmanh tawng hna sehlaw, cu harnak nih cun ,nupa a dawtuk mi nun cu a teikho lo ti hi, Bill gate te Nupa nun nih hin a lanhter .

Ref : WOB

Be the first to comment

Leave a Reply

Your email address will not be published.


*