President Donald Trump Nih US National Security, John Bolton Cu A Rian In A Phuah .

US President Trump nih cun nizan ah US Security Adviser John Bolton cu A rian in a phuah tthan cang. Trump nih hin US Security Adviser hi John Bolton hlan ah hin pahnih a rak ngeih cang hna i, John Bolton hi a pathumnak a banter mi a si . Trump le John Bolton hna hi Foreign Policy ruangah an lung a rual rem lo ti si.

A bikin Afganistan , Syria , Iran , North Korea hna konglam ah a si bik i, hi hna konglam ah hin an lung ani rual kho lo tiah an chim mi cu a si. A luam cia mi zarhpi niah khan Trump nih cun Taliban Hruaitu hna cu Retreat center ,Camp David ,ah hmuh a rak i timh hna i, cu cu John Bolton nih cun a rak duh lotuk mi a si tiah an chim mi cu a si.

Cacawn nikhat nizanah khan Trump nih cun,Twitter ah White House nih cun John Bolton cu a herh tilo tiin a rak ti cang i, a hnu ah a fak pah tthan ti si. Trump nih cun thil a si ning chim tti usih a ti i, sihmanhsehlaw,John Bolton nih cun cacawn nikhat nizan ah khan bannak ca a ttial i Trump sinah a ttheh lut cawlh cang tiah theih a si.

US Secy of State Mike Pompeo, Treasury Secy, le John Bolton hna cu cacawn nihnih ni zingka ah cun Trump Admin nih an riian ttuannak chim tti dingin an ti nain John Bolton cu a lang ve tilo ti  si.Mike Pompeo nih cun John Bolton um hlah hmanhsehlaw Foreign policy cu a dnglam hlei lai lo tiin News Brief an cun a chim .

Trump Admin nih cun Vawleicung UN Gen-Assembly cu september ni 20 ah khin US New York ah ami khual hna lai i, Trump nih cun John Bolton aiawh dingin Dy,NSA a ttuan lio mi Charles Klupperman cu a ruah chung rih i, hmai zarh leiah hin, NSA thar ding cu  ruat tthan a site lai ti si.

Bolton nih hin, a bikin North Korea konglam ah hin Trump he ani lungrual kho taktak lo i, John Bolton nih cun North Korea nih hin ,zeitik hmanhah Nuclear hi a thlah duh lai ti cu a zumh tuk mi a rak sizungzal  . Kum 2020 November thla ni 5 i president thimnak ah a tlin tthan siah cun, Foreign Policy leiah ttuan ding tamtuk nih a hngah rih ko tinak a si .

Source : Internationalnews & Politic

Be the first to comment

Leave a Reply

Your email address will not be published.


*