Kurdish Hna An Mangangtuk Cang. Trump Nih Bia Chahnak A Tuah Mi A Dik A Ti,Gop Le Dems Hna Nih An Mawhchiat.

Kurdish miphun hna a hruaitu nih cun, Syria in US ralkap hna lak tthan dih mi nih cun, Turkey nawlngeihnak tangah chiah i timhnak a si i, a ttuan tti hawi hna (allies) he biakamnak lehnaka (betrayal) si tiin, Turkish ralkap hna le Kurdish ralkap hna karlakah buaninak faktukin a chuahpi lai i, Kurdish miphun hna thah dihnak a chuahter lai a ti i, US nih cun, SDF hna cu Turkey ralkap hna nih duhduh in thahnak nawl a pek mi hna a si tiin a puh.

Turkey nih cun Kurds hna cu terrorist a ti hna i, US nih cun, Iraq ram chung i ISIS hna a tuknak ah kurdish miphun hna cu, a zumhtuk mi hna le a ttuan tti hawi tthatuk an si i, Kurdish miphun hna hi, Turkey nih hin, tukkah a duh hna caah ;”Safe zone” tiangin ser aduh mi a si. Turkey nih cun, Syria ram chung i a um mi hna nih hin, hmai leiah cun an tthawng chinchin lai i, indepentdent tiangin an hal duh lai tiah an phan ruangah kah a duh hnanak cu a si.

Lina Khatib ,Middle East & North America region Monitor hruaitu Chatham House,london nih cun, Trump nih Syria ram chungin ralkap hna lakkir a duhnak nih hin, ISIS hna cu tha zaanglaknak ah tthawnnak a pek hna lai tiin a chim ve. sihmanhsehlaw, Trump nih cun, ISIS hna cu tei dih cang mi ansi i, an umnak zong cu 100% in tei dih an si cang tiin a chim ve .

Gop Republican le Democrat hna nih cun, Trump nih a thil tuah mi cu, Kurdish miphun hna cimitnak (massacre) a si anti i, White House Cu a biachahnak zoh tthan dingin an phut fawn,. Rep.Reuben nih cun Kurdish hna nih cun American cu zeitik hmanhah an zum tilai lo tiin a chim ve .

Nikki Haley(Ex-UN Ambassador )zong nih Trump nih biachahnaka sermi cu i ralrin a hau mi a si i, kan hawi tthabik mi hna kan kaltak mi hna hi, kan thil tisual nganbik (big mistake) mi cu a si tawn tiin a chim ve cang. Turkey cu kan hawikawm ttha a si fawn lo ti bakin a chim ve mi cu a si. Pentagon nih cun, White hna cu SDF hna cu kaltak lodingin a rak nawl bal cang .

Pu Trump pi nih cun, sunday ni i abia chahnak cu a hman mi a siko tiin a ttang ve bak ko. US in Km 7000 hlatnak i a um mi hna cu, Turkey ,Europe ,Syria le Iran hna nih an zohkhenh hna ding mi a si ko tiin a chim ve . Sen , Sussan Collins ,Republican of maine zong nih , NBC News sinah biachahnak hman lotuk mi a si tiin a chim ve cang.

President Trump nih cun amah biahalnak cu,reporters hna sinah cun, amah a rak ttanhtuk tawn mi hna , McConnell, Graham,Haley, etc an ruahnak cu a zah umtuk ko nain, mi tampi nih ka ruahnak cu an ttanh dih i, ruahnak a phunphun a um i, cu hna cu ka theih thiam dih ko tiin a chim ve i, raltuknak a dih kho lo mi a si i, cu caah cun ka ruahnak cu a hman mi a si tiin a chim chap .

Isreal ram ca zongah US ralkap hna nih Syria an chuah tak siah cun, Iran ralkap hna nih ,Syria ram chungah hriamnam he an lut cuahmah vang lai i, ttih nungtuk ko cang lai tiin an chim mi cu a si.

Internationalnews & Politic

Be the first to comment

Leave a Reply

Your email address will not be published.


*